HEADLINES:

1. Chief Minister, Pu Lalduhoma'n Mizoramah danglamna an thlentir theih nana an mamawh hmasa, sum tam zawk Budget a dah turin sorkar laipui a ngen.

2. Union Minister of State for Fisheries, Animal Husbandry & Dairying, George Kurian chuan Mizorama vawk pul hri leng, ASF avanga ranvulhtute harsatna sutkianpui a tum thu Chief Minister Pu Lalduhoma a hrilh.

3. Naktip, June ni 25-a AMC Ward-19 By-election neih tur atana political party te campaign chu nimin khan khar a ni a, June 27 a LADC hnuaia VC inthlanpui leh Lawngtlai Chandmary MDC by election neih turah party ten campaign ngawrh takin an nei chho mek bawk.

4. Nizan ruahsur avang khan hriat theih chinah hmun thenkhatah leiminin lirthei kaltlang theih lohin kawngpui a hnawhping.

5. Cyclone Remal in chhiatna a thlen avanga Hlimen huamchhunga chenna in chante awm lailawkna tur, relief camp chu sak mek a ni a, Hlimen Relief Camp Commitee hotute chuan sorkar in a tul ang te sum a tum dawn niin an sawi.

6. Lunglei Municipal Council Board of Councillor chuan, kum 2024-2025 LMC Budget Estimate, cheng nuai 1644 sing 6 sang 2 chu lungrual takin an pawm.

7. Lok Sabha 18-na thutkhawm hmasaber chu naktuk atangin neih a ni dawn.

8. National Testing Agency (NTA), Director General Subodh Kumar Singh chu NEET Exam-a thil dik lo awm nia sawi thubuai kal zelah a hna aṭangin bantir a ni.

9. Sorkar laipui chuan kum 2024 NEET (UG) Exam-a thil dik lo awm nia sawi chungchang chhui turin CBI a ruat.

10. Ram chhunga dan bawhchhiate chungthu relsakna tur, Criminal Justice System chungchang Chennai-ah sawiho a ni.

11. Prime Minister Narendra Modi an ram hruaitu hlui leh zirna lama mi langsar, Dr. Shyama Prasad Mukherjee thih champha pualin zahna a lantir.

12. Union Home leh Cooperation Minister Amit Shah hoin ram chhunga tuilian thin laka inven dan tur leh inbuatsaihna kalpui dan tur chungchang sawiho a ni.

13. External Affairs Minister Dr. S Jaishankar chuan firfiak ten bomb hmanga an tihpuah, Air India Flight 182 ‘Kanishka’-a nunnaa chan mi 329 te hriatrengna hun a hmang.

14. Union Youth Affairs & Sports Minister Dr. Mansukh Mandaviya an vawiin International Olympic Day pualin mipuite duhsakna a hlan.

15. Indian Army chuan Kargil beihnaa nunna chan sipaite hriatrengna hmun, Khalubar War Memorial chu khualzinte tlawh theih turin Ladakh-ah a hawng.

Follow DD Mizoram:
https://www.facebook.com/DDNewsMizoram
https://www.instagram.com/ddnews_mizoram
https://twitter.com/DDNewsMizoram