HEADLINES:

1. Chief Minister Pu Lalduhoma'n SASCI sum hmangin Distirct Jail 8 sa tha tura hmalak mek a ni a ti.

2. Lok Sabha 18-na a thlan tlin, Member of Parliament te lakluhnaah, Mizoram Lok Sabha Constituency atanga thlantlin, Pu Richard Vanlalhmangaiha pawh rinawmna thutiam tira lakluh a ni.

3. LAD Minister, Pu C. Lalsawivunga hoin, party hrang hrang leh khawtlang hruaituten vawiin khan VC dan awmlai siam thatna tur, The Mizoram (Village Councils) Bill 2024 chungchang Aizawlah an sawiho.

4. Chief Minister leh Union Power Minister inkawmna bawhzuiin MP Pu Richard Vanlalhmangaiha chuan vawiin khan Power Ministry Secretary kawmin, tun thla chhunga RDSS bill tang cheng vbc 42 pek chhuah hman tum a nih thu a lo hrilh.

5. Health Minister Pi Lalrinpuii chuan vawiin khan Aijal Club ah ‘State Level Buyers-Sellers Meet for Medicinal and Aromatic Plants’ a hawng

6. Cooperation Minister, Pu PC Vanlalruata'n sorkar pisa ah Mizo kutchhuak bungrua leh hnam ziarang tilang thei hmang uar tura hmalak a nih thu vawiina MAHCO General Assembly Aizawla neih a hmanpuina ah a sawi.

7. New Delhi a cham mek, Minister Dr. Vanlalthlana chuan, a dept chan hrang hranga Mizoram mamawhte Sorkar laipui hotulute hnenah a thlen.

8. AMC Ward number 19-na leh Sakawrtuichhun Local Council by-election-a vote thlak chu vawiin khan tluang taka neih a ni.

9. Adviser to CM Pu TBC Lalvenchhunga chuan ZPM Sorkar in ADC te a duhsak a, ADC te hrek leh thlem chu an tum a nihloh thu leh mipui tan Sorkar a tangkai theiha, a tihtur diktak a tih chu an duhber a nih thu a sawi.

10. Lunglei Municipal Council huam chhungah lirthei chetvel dan mumal zawk a a awm theih nan, LMC leh Local Counsil 23 aiawhten vawiin khan Lunglei ah inremna an ziak.

11. Assam Rifles chuan vawiin khan TNT hmun, Muanna Veng Aizawl-ah International Day Against Drug Abuse and Illicit Trafficking pualin Medical Camp an buatsaih.

12. Lok Sabha vawi 18-na thutkhawm ni hnihna ah, MP thlan tharte rinawmna thu tiamtira lakluh chhunzawm an ni.

13. Lok Sabha vawi 18-na Speaker thlanna naktuka neih turah NDA aiawh Om Birla leh INDIA bloc aiawh Congress MP K. Suresh ten an hming an thehlut.

14. Rajya Sabha House Leader atan Union Minister JP Nadda ruat a ni.

15. Finance Minister Sitharaman hoin New Delhi-ah Pre-Budget chungchanga inrawnkhawmna vawi sarihna Trade & Services aiawhte nen neih a ni.

16. Union Minister of Health and Family Welfare JP Nadda chuan ram pum huapa kawthalo hri leng umbona tur beihpui thlakna, STOP Diarrhoea Campaign 2024 a hawng.

17. NTA Exam buaina chungchang chhui tura din, High Level Committee chuan zirlai leh nu leh pate atanga rawtna lak a tum.



Follow DD Mizoram:
https://www.facebook.com/DDNewsMizoram
https://www.instagram.com/ddnews_mizoram
https://twitter.com/DDNewsMizoram