Ahakoa nga piki me nga heke i mutu pai te tau kua taha atu mo Waikato Tainui - i piki ake te uara o ona rawa ki tona waru rau miriona taara. Heoi no te rangi tuatahi tonu o tenei tau i taka ano ai a Waikato tainui ki raro i nga whatu o te marea. Na Kingi Tuheitia te korero ki tona rahi - me whakarereke, me whakahou hoki te iwi i ona punaha whakahaere. No tera wiki i tautoko ai tetahi o nga mangai o Te Ara Taura i tera karanga a te Kiingi - hei ta Taitimu Maipi - me whakarereke nga mea katoa, mai i te Kauhanganui ki Te Arataura.