HEADLINES:

1. Chief Minister Pu Lalduhoma'n vawiin hian Civil Hospital, Aizawl-a Labour Room leh Maternity Ward, Rogi Kalyan Samiti (RKS) sum cheng nuai 95.40 hmanga thuam thar a hawng.

2. Rural Development Minister Prof. Lalnilawma'n MGNREGA chu Rural development Department hnuaia scheme lian ber leh thingtlang mipuiten an hman tangkai ber a nih thu a sawi.

3. School Education Minister Dr Vanlalthlana chuan veng tin leh khaw tina school-te chu khawtlangin neitu nihna an neih thiam a tul tih sorkar shcool hrang hrang a tlawhnaah a sawi.

4. Health Minister Pi Lalrinpuii'n vawiin khan Healthy Lunglei Dist Campaign hawngin he Programme tihlawhtling tur hian mi tin ei leh inah an inthunun a tul tih a sawi.

5. Cooperation Minister Pu P.C. Vanlalruata chuan Mizoram Cooperative Apex Bank Ltd Annual General Assembly vawiin 29-na telpuiin sorkar bana kaih policy chu Cooperative society tihchangtlun a, a awmloh naahte din a, zirtirna kalpuia hma la turin a inpuahchah mek tih a sawi.

6. Chief Minister Pu Lalduhoma chuan vawiin khan a pisaah Hlimen leh Melthum leimin tuar leh hmun him loa awm, insawnchhuah lailawk ngai aiawh hruaitute kawmin Transport Department ramah Temporary Relief Camp a rang lama sak a nih tur thu a sawi.

7. North East Centre for Technology Application and Reach (NECTAR) Mizoram Liaison Office chu Directorate of Science and Technology Building, MINECO-ah vawiin khan Planning and Programme Implementation Department Commissioner & Secretary Pu Vanlaldina Fanai chuan a hawng.

8. BN College of Nursing chuan vawiin khan Hualngohmun-a an College Hall-ah One Day Workshop 'Nursing Leadership and Hospital Infection Control' tih thupuia hmangin an buatsaih.

9. Mizoram State Commission for Protection of Child Rights te chuan Mizoramah Child Labour Case chu NIL anga record awm ni mah se, naupang chhawr erawh hmuh tur an awm fo thin thu an sawi.

10. Dawrpui, Aizawl-a Mosque bul dawrah vawiin chawhma dar 11 ve khan dawr nghaktu hnam dang chu pistol-in a kezungpuiah kah a ni.

11. Prime Minister Narendra Modi chuan International Yoga Day hman thatnate a sawi.

12. Lok Sabha Session vawi 18-na thutkhawm hmasa ber chu tun thla June ni 24 atangin nei tan a ni dawn.

13. Lieutenant General Upendra Dwivedi chu Army Staff Chief thar atan ruat a ni.

14. Union Minister For Commerce And Industry Piyush Goyal chuan Ministry Charge a lak hnuah Department pahniha Senior Officer-te nen Review Meeting an nei.

15. Minister Nirmala Sitharaman chuan nimin khan New Delhi-ah Union Minister of Finance and Corporate Affairs hna chelh turin rinawmna thu tiam tira lakluh a ni.

16. Road Transport and Highways Minister Nitin Gadkari chuan nimin khan rinawmna thu tiam tir a nih hnuah a hna a chelh.

17. Bangladesh-a Eid-ul-Adha vanga chawlh hman tur chuan India leh Bangladesh inkara insumdawnna leh rel service a nghawng dawn.

Follow DD Mizoram:
https://www.facebook.com/DDNewsMizoram
https://www.instagram.com/ddnews_mizoram
https://twitter.com/DDNewsMizoram